Paranoia

Paranoia (griachisch παράνοια paránoia, aus παρὰ parà „nemn“ und νοῦς noûs „Vastaund“; weatlich oilso „neman Vastaund“, „varuckt“, „waunsinnig“) is im engan Sinn de Bezeichnung fiar a psychische Stearung, de wos vo Waunvuastöllungen dominiat wiad. Zum paranoidn Denkn gheat typischaweise da oigegnweatige Glaum, dass ma vafoigt wiad. Historisch gseng woa des de Bezeichung fia jede Fuam vo Waunsinn.